Tójšto zapřahow po puću byli

Freitag, 22. Mai 2020
Artikel bewerten
(0 Stimmen)
Hudźbnicy skupiny Sorbian Art Trio wokoło Symana Hejduški (2. wotprawa) su wčera ludźi w Hórkach wosebje překwapili a zawjeselili. Na swojej kolesowarskej turje mějachu instrumenty sobu a tuž tu a tam serbske štučki zapiskachu.  Foto: Feliks Haza Hudźbnicy skupiny Sorbian Art Trio wokoło Symana Hejduški (2. wotprawa) su wčera ludźi w Hórkach wosebje překwapili a zawjeselili. Na swojej kolesowarskej turje mějachu instrumenty sobu a tuž tu a tam serbske štučki zapiskachu. Foto: Feliks Haza

Spontanje a ludźom k wjeselu serbske pěsnje hudźili

Budyšin/Salow/Hórki/Radwor (CS/SN/BŠe/JaW). Tež lětsa su na swjatym dnju Božeho spěća mužojo po puću byli, ale nic jenož. Na mnohich městnach běchu tež skupinki žonow widźeć a dźeń, kotryž wšak je jako nanowy dźeń znaty, wuwiwa so dale a bóle na dźeń za cyłu swójbu. Tuž bě wčera na dróhach a šćežkach znowa tójšto wobchada. Předewšěm mužojo běchu sej swojeho groćaneho konika zesedłali a zgratowali, ale tež swójby wužiwachu słónčny dźeń za wulěty abo zhromadny piknik. Nadpadnyło wčera tohorunja je, zo běchu mnozy ze zapřahami abo na konjach jěchajo po puću. Škitne naprawy koronawirusa dla su nimale wšudźe w dalokej měrje dodźerželi. Policija wšak je tež zaměrnje kontrolowała a bě ze swojimi zasadźenskimi awtami časćišo tež na serbskich wsach po puću.

Veröffentlicht in Lokalka

Galerie

dalši wobraz (1) Při Radworskim starym dwórnišću mějachu pućowacy wčera tohorunja składnosć so při dobrym lunku trochu wočerstwić. Foto: Carmen Schumann
Bitte anmelden, um einen Kommentar zu posten

Anzeige