Płuwace domy hižo wabja

Mittwoch, 01. Juli 2020
Artikel bewerten
(0 Stimmen)
Jeničce hoberski kran zmóžnja płuwace domy na Bjerwałdski jězor stajić. Kónc julija maja wšitke trěbne dźěła, na přikład za wutwar, dokónčene być. Potom budu domy wobsedźerjam přepodate. Woni wšak přewostaja kluče za přebytk hnydom turistam, kotřiž chcedźa potom při a na jězorje swój dowol přežiwić.  Foto: Constanze Knappe Jeničce hoberski kran zmóžnja płuwace domy na Bjerwałdski jězor stajić. Kónc julija maja wšitke trěbne dźěła, na přikład za wutwar, dokónčene być. Potom budu domy wobsedźerjam přepodate. Woni wšak přewostaja kluče za přebytk hnydom turistam, kotřiž chcedźa potom při a na jězorje swój dowol přežiwić. Foto: Constanze Knappe

Při Bjerwałdskim jězorje móža dowolnicy bórze cyłe lěto přebywać

Hamor (CK/SN). Bjerwałdski jězor čaka z dalšej atrakciju na lětušich dowolnikow. Hišće tule sezonu móža zajimcy w płuwacych domach na jězorje swój dowol přežiwić. Tuchwilu domy hišće wu­twarjeja. Před tydźenjomaj běchu fachowcy štyri po pjatnaće tonach ćežke kabiny na pontony stajili, za čož trjebachu wulki kran. Zo bychu domy kruće zakótwjene byli, zwjazuje je 90 metrow dołha šćežka z pobrjohom.

Nimale dwě lěće je FHG floating house tzwr Berlin na tónle wokomik čakała a za njón dźěłała. Projektowy manager David Heinrich so hišće derje na to dopomina, kak bě so wón w oktobrje 2018 prěni kroć z mištrom přistawa a zastupjerjom gmejny Hamor při jězorje zetkał. Loni w meji bu mustrowy dom w Klětnjanskej marinje wotewrjeny. Wot lětušeho junija hižo dožiwjeja dowolnicy přijomne dny w prěnim płuwacym domje na Bjerwałdskim jězorje.

Veröffentlicht in Lokalka
Bitte anmelden, um einen Kommentar zu posten

Anzeige