Łužiskej parličce skićitej kóždom kwasej jónkrótnu atmosferu

Mittwoch, 05. August 2020
Artikel bewerten
(0 Stimmen)
Blisko Hodźija chowa so z Njezdaščanskim hrodom dalša architektoniska parlička, rukowaca za njezapomnite zmandźelenja. Foto: onFire digital Blisko Hodźija chowa so z Njezdaščanskim hrodom dalša architektoniska parlička, rukowaca za njezapomnite zmandźelenja. Foto: onFire digital

Njewjesćinske pory, kotrež pytaja za swój najrjeńši dźeń městnosć z cyle wosebitej atmosferu, měli sej raz Hrodźišćanski hród wobhladać. Spěchowanske towarstwo Pro Gröditz, kotrež w swojej dźensnišej formje 1738 natwarjeny hród wobhospodarja, poradźuje mandźelskeju in spe na indiwiduelne wašnje. To nastupa wotběh kwasa kaž tež wuhotowanje rumnosćow. Za wěrowanje hodźi so najlěpje „módry salon“ mjenowana mała žurla za dźesać do 15 wosobow. Na wulkej žurli móže po tym 40 do 45 hosći swjećić. Wo kwasnu hosćinu pak dyrbitaj so žeńtwylačnaj runje tak kaž wo staw­nicu – za Hrodźišćo zamołwita je zastojnica z Wósporka – abo stawnika samaj starać. Jedna-li so wo cyrkwinske wěrowanje, poskića so ewangelski Boži dom bjezposrědnje pódla hrodu.

Daloki park kaž tež bliska Hrodźi­šćanska skała tworitej wulkotnu kulisu za kwasne fota. Njewjesćinske pory maja nimo toho składnosć, róžowy štomik jako­ dopomnjenku sadźić. Wobsteji-li ze stron­ kwasarjow zajim na wodźenju po hrodźe, hodźi so tajke pola towarstwa skazać.

Veröffentlicht in Lokalka

Galerie

dalši wobraz (1) Tajny tip za žeńtwylačnych w Hornjej Łužicy: Hród w Hrodźišću skići njewjesćinskim porikam runje tak kaž kwasarjam molersku kulisu. Foto: Carmen Schumann
Bitte anmelden, um einen Kommentar zu posten

Anzeige