Samo do studnje zalězli

Donnerstag, 27. August 2020
Artikel bewerten
(0 Stimmen)
Jerome, Lennox a Andreas (wotlěwa) wobdźělichu so tele dny na bibliskich dnjach w Slepom.  Foto: Constanze Knappowa Jerome, Lennox a Andreas (wotlěwa) wobdźělichu so tele dny na bibliskich dnjach w Slepom. Foto: Constanze Knappowa

Na dźěćacych bibliskich dnjach so z historiskej namakanku zaběrali

Slepo (CK/SN). Jerome, Lennox a Andreas rjedźa kamjenje. Hólcy su cyle zahoriće při wěcy, „dokelž je to cool“, kaž Lennox praji. Hdyž su kamjenje suche, woni je pomoluja. Slepjanska fararka Jadwi­ga Malinkowa mjenuje je „žiwe kamjenje“. W jeje wosadźe wotměchu so wot předwčerawšeho hač do dźensnišeho dźěćace bibliske dny.

„Tři zajimawe dny kołowokoło bibliskeje łódźe“ přewjedu hižo štwórty raz. Stajnje w lětnich abo nazymskich prózdninach dožiwja dźěći zhromadny čas a zaběraja so z wěcami, kotrež w šuli lědma rólu hraja. Přihotowanska skupina do toho temy wupyta. „Wjele wužórli so z toho, štož so we wsy stawa. Tak sej dźěći­ swoju domiznu wotkryja a sej ju bóle waža“, praji Jadwiga Malinkowa. Jónu­ zaběrachu so z pódu, druhi raz na­po­dobnichu z lego-kamjenjemi bibliske stawizny. Loni stejachu bibliske podawki z łódźemi w srjedźišću, při čimž hraješe runje natwarjena archa Noacha na farskej zahrodźe wosebitu rólu.

Veröffentlicht in Lokalka
Bitte anmelden, um einen Kommentar zu posten

Anzeige