Bórze na kehelowanje do Wojerec(15)

Mittwoch, 21. Oktober 2020
Artikel bewerten
(0 Stimmen)
Sonja Hrjehorjowa pokazuje čaru kehelnje při Wojerowskim Domowinskim domje, kotruž chcedźa z pomocu „Čiń sobu!“ zwuporjedźić.  Foto: Gernot Menzel Sonja Hrjehorjowa pokazuje čaru kehelnje při Wojerowskim Domowinskim domje, kotruž chcedźa z pomocu „Čiń sobu!“ zwuporjedźić. Foto: Gernot Menzel

Idejowe wubědźowanje sakskeho ­fondsa „Čiń sobu!“ je we wosebitej ­kategoriji „Žiwa dwurěčnosć“ tworićelskosć na dobro našeje maćeršćiny ­znowa pozbudźiło. Serbske Nowiny ­tule w serialu rjad drobnych a małych projektow předstajeja.

Čłonojo předsydstwa Wojerowskeje župy „Handrij Zejler“ chcedźa swój Domowinski dom na Drježdźanskej we Wojerecach jako zetkanišćo skrućić. Kaž wuzběhny regionalna rěčnica Domowiny za Wojerowski region Sonja Hrjehorjowa, kotraž je zdobom čłonka tamnišeho župneho předsydstwa, chcedźa ludźom z města, wokolnych wsow a dalšim zajimcam kaž tež pěstowarnjam a šulam pod hesłom „Zetkawanska bróžnja“ prawidłownje zarjadowanja poskićeć. „Prěnje tajke smy kónc septembra wotměli. Serbski ludowy ansambl je wuhotował hudźbno-literarne popołdnjo rjadu ‚Zynki a linki‘. W našej bróžni je Hanka Rjelcyna twórby z pjera Marje Młynkoweje recitowała, štož wobrubichu hudźbnicy z twórbami serbskich komponistow kaž Jana Pawoła Nagela, Bjarnata Krawca a dalšich“, rozłoži Hrjehorjowa.

Veröffentlicht in Lokalka

Galerie

dalši wobraz (1)
Bitte anmelden, um einen Kommentar zu posten

Anzeige