Wojerecy (AK/SN). Swoju wobšěrnu zběrku z 80lětneho wobstaća přepołoži Wojerowski měšćanski muzej do noweho składa blisko kompjuteroweho muzeja Konrada Zuseho. Přećah móže so zahajić, zdźěli nawodnica wustajenišća Kerstin Noack. Nowe rumnosće přewostaji Wojerowska bydlenjotwarska towaršnosć ze zrěčenjom na 30 lět. „Depot zaruča wysoke žadanja na stabilnosć wjerchow, na změny temperatury, włóžnotu a swěcu, zo móhli wšitke dokumenty wo stawiznach města lětdźesatki składować“, praji Kerstin Noack.