Młodźinske socialne dźěło za čas krizy wosebje wažne

Mittwoch, 24. Februar 2021
Artikel bewerten
(0 Stimmen)
Streetworkeraj Sofija Delanec a Benno Auras dźěłataj tuchwilu přewažnje w jeju nowym běrowje na Budyskej Hošic hasy.  Foto: SN/Hanka Šěnec Streetworkeraj Sofija Delanec a Benno Auras dźěłataj tuchwilu přewažnje w jeju nowym běrowje na Budyskej Hošic hasy. Foto: SN/Hanka Šěnec

Budyšin (SN/bn). Pod hesłom „Pro Chance“ skutkujetaj socialnaj pedagogaj Sofija Delanec a Benno Auras w nadawku města wot lěta 2017 jako streetworkeraj w Budyšinje. Jeju najwažniši wobłuk je w teamje mobilne młodźinske dźěło wukonjeć. Mobilny aspekt wšak tuchwilneje pandemije dla wulce wobkedźbować njemóžetaj. Ćim bóle wjeselitaj so nad nowym běrowom, do kotrehož staj spočatk lěta přećahnyłoj.

„Rumnosće na Wonkownej Lawskej, hdźež dotal dźěłachmoj, njeběchu drje njekmane. Přiwšěm skići nowa adresa na Hošic hasy jasne lěpšiny. Běrow je na trochu centralnišim městnje a tuž widźomniši. Na tamnym boku móža młodostni naju nětko přez poměrnje schowany zachod takrjec anonymnje wopytać. Tak hodźa so ewentuelne haćenja a strach wobeńć“, Sofija Delanec powěda.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND