Biobur Ignac Wjesela wotpohladuje pola Miłoćic wotpadki kompostować

Njebjelčicy (SN/JaW). Z chětro zajimawym projektom zeznajomichu so gmejnscy radźićeljo w Njebjelčicach na swojim minjenym posedźenju w tamnišim gmejnskim centrumje. Serbski biobur Ignac Wjesela předstaji tam swoju ideju, na ležownosći w Miłoćicach kompostować tak mjenowane zelene wotpadki, a to na njewšědne wašnje.