We Worklecach maja nětko dwě bičwolejbulnišći

Dienstag, 15. Juni 2021
Artikel bewerten
(0 Stimmen)
Předsyda sportoweho towarstwa Viktoria Worklecy Alojs Mikławšk (nalěwo) a wjesnjanosta gmejny Worklecy Franc Brusk (štwórty wotprawa) přepodaštaj wolejbulistkam a wolejbulistam nowej bičwolejbulnišći.  Foto: Tereza Wićazowa Předsyda sportoweho towarstwa Viktoria Worklecy Alojs Mikławšk (nalěwo) a wjesnjanosta gmejny Worklecy Franc Brusk (štwórty wotprawa) přepodaštaj wolejbulistkam a wolejbulistam nowej bičwolejbulnišći. Foto: Tereza Wićazowa

Minjenu sobotu je sekcija wolejbul sportoweho towarstwa Viktoria Worklecy nowej bičwolejbulowej hrajnišći za Worklečanskej ćěłozwučowarnju z małym internym turněrom wotewrěła. Naprawa bu z pomocu dawkowych srědkow na zakładźe wobzamknjenja etata Sakskeho krajneho sejma sobu finan­cowana.

Ideju, dalše hrajnišćo w pěsku wutworić, su hižo w zašłym lěće zrodźili. Worklečanske bičwolejbulnišćo bu w lěće 2006 natwarjene. Hižo na Captainscupje – tradicionalnym bičwolejbulowym turněrje we Worklecach – bě naprašowanje wulke, městno za hraće pak jenož na jedne hrajnišćo wobmjezowane. Wot měrca 2020 nasta přidatny ćišć korony dla, trening pod hołe njebjo přepołožić. Tola za telko mustwow na jenož jednym hrajnišću njebě městna dosć. Tuž wjedźechu za­moł­wići předsydstwa a zastupjerjo mužow prěnjeho muskeho mustwa Vikto­rije Worklecy w meji 2020 pola Sakskeje natwarneje banki rozmołwu za zapodaće próstwy wo spěchowanje. W septembrje próstwu stajichu a měsac pozdźišo, w oktobrje 2020, bu próstwa přizwolena. Tuž započa so twarska faza za nowej bičwo­lejbulnišći w oktobrje 2020.

Veröffentlicht in Sport

Galerie

dalši wobraz (1) Po dołhim času su we Worklecach zaso bičwolejbul hrali, a to prěni raz na dwěmaj hrajnišćomaj. Foto: Konstantin Hrjehor
Bitte anmelden, um einen Kommentar zu posten

Anzeige