Płaćizny porjadnje planować je nimale kaž lotowe ličby trochować
Pančicy-Kukow (SN/MWj). Za 1,4 miliony eurow přewjeduja tuchwilu dalši twarski wotrězk cyłkowneho saněrowanja Šule Ćišinskeho w Pančicach-Kukowje. Mjeztym zo su minjene lěta rjadowniske rumnosće, chódby a třěchu ponowić kaž tež přitwar wottorhać dali, stej nětko křidle we wuchodnym a zapadnym dźělu na rjedźe.
