Radźićeljo přidatne zastojnstwo wyšeho měšćanosty wotpokazali

Budyšin (SN/JaW). Rjana to předstawa, so wot wyšeho měšćanosty Alexandera Ahrensa (SPD) zwěrować dać. Z toho pak najprjedy ničo njebudźe, byrnjež so Budyski wyši měšćanosta na stawnika dale kubłać dał. Tajke přidatne zastojnstwo Ahrensa su radźićeljo města wotpokazali.

Kaž wyši měšćanosta wuwjedźe, chce wón „stawnistwo předewšěm kónc tydźenja wolóžić. Bě tójšto naprašowanjow, a za čas korony njebě wotrjad dosć wobsadźeny.“ Za tele dźěło je so wyši měšćanosta dale kubłać dał. Zdobom hłowa města wuwjedźe, zo je powołanje měšćanosty jako stawnik na dobu jeho zastojnstwa wjazane.