Budyšin (SN/JaW). W debaće wo znowanatwar pomnika Otta von Bismarcka na Čornoboze so tež Budyska župa „Jan Arnošt Smoler“ słowa jima. W lisće wyšemu měšćanosće Budyšina Alexanderej Ahren- sej (SPD) župa pisa: „Naše přeswědčenje je, zo jedyn pomnik kanclerej Ottej von Bismarckej na Łužiskich horach dosaha. Smy přećiwo dalšemu pomnikej, a ćim bóle na horje po słowjanskim bohu pomjenowanej.“ W spisu, kotryž je amtěrowaca županka Jana Pětrowa podpisała, dale rěka, zo podpěruje župa protestny list Serbskeho instituta. Župa Budyšin skedźb­nja w nim tohorunja na hižo eksistowacy Bismarckowy pomnik na Mnišoncu. List je na blogu Domowiny pod dokumentowany.