Wopominanje je zdobom namołwa

Montag, 15. November 2021
Artikel bewerten
(0 Stimmen)

Budyšin (CRM/SN). Hižo 33. raz wopominachu němscy kaž tež serbscy křesćenjo zhromadnje ze sotrami tudyšeho konwenta klarisow w klóšterskej cyrkwi minjenu wutoru pogromowu nóc, kotraž bě wot 9. na 10. nowember 1938. Zjawna namóc nacionalsocialistow přećiwo Židam, na kotrejž pak njeběštej jeničce SA a SS wobdźělenej, so w mjenowanej nocy započa. Tehdy bu w Němskej nimo 267 synagogow tež něhdźe 7 500 wobchodow židowskich sobuwobydlerjow zdźěla dospołnje zničenych. Přez lětdźesatki rěkachu tymle podawkam „Reichskristallnacht“. Hladajo na historisku dimensiju zahuby je nětko rěč wo pogromowej nocy. Tuta namóc přećiwo židowskemu ludej, trajaca hač do lěta 1945, žadaše sej někak šěsć milionow woporow.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND