Łužiske lodohokejowe liški zrěčenje z lodohokejistom Arttuwom Rämö dočasnje rozpušća. Dokelž njebě Rämö wočakowanja połnje spjelnił, su so zamołwići zhromadnje z nim na dočasny kónc w Běłej Wodźe dojednali.
Fina Arttu Rämö absolwowaše za Běłowodźanskich lodohokejistow 15 winowatostnych hrow a docpě za nich 11 dypkow (3 wrota/8 wrotow spřihotował). Za zasadźenje w dotalnym přeběhu sezony so jemu dźakuja a přeja jemu na sportowym polu kaž tež priwatnje wšo dobre.