We wysokej starobje wušiwała

Freitag, 26. November 2021
Artikel bewerten
(0 Stimmen)
94lětna Hańža Štrawbina w Hórkach je tele dny družču drastu dozhotowiła. Družka smě so na wosebity hodowny dar wjeselić.  Foto: Marhata Korjeńkowa 94lětna Hańža Štrawbina w Hórkach je tele dny družču drastu dozhotowiła. Družka smě so na wosebity hodowny dar wjeselić. Foto: Marhata Korjeńkowa

Hórki (SN/MWj). Wosebite dźěło zdokonjała je minjene dny w Hórkach Hańža Štrawbina. Wona je w zašłych tydźenjach družču drastu wušiwała a ju nětko přepodała. To drje w katolskich Serbach někotražkuli žona čini, kotraž so z tymle sporym dźěłom zaběra. Hańža Štrawbina pak je mjeztym 94 lět, hakle njedawno je tule wysoku starobu docpěła.

„Hižo w šulskim času jako młoda holcy sym wušiwać započała. Tehdy mějachmy w šuli ručne dźěło. Tam sym najskerje zakład za to dóstała“, wona powěda. Što je jako prěnje wušiwała, na to so Hórčanka hižo při najlěpšej woli dopominać njemóže. „Pozdźišo sym tež wjele pletła, zwjetša za sebje samu. Tehdy tola ničo dóstał njejsy. To sym sej pulower abo pjezl sama napletła.“

Veröffentlicht in Lokalka
Bitte anmelden, um einen Kommentar zu posten

Anzeige