Schrift vergrößern
Na dźěćacych kemšach minjenu wutoru rozłoži Alena Hiccyna (naprawo) dźěćom woznam Ochranowskeje hwězdy, kotraž kamjentnu hródźičku w Pančicach-Kukowje wječor a w nocy rjenje wobswětla. Foto: Feliks Haza
Pančicy-Kukow (SN/MWj). Napadnje wjele ludźi je so prěnju adwentnu njedźelu w popołdnišich a nawječornych hodźinach po wsy wuchodźowało a tak prěni raz zajimawu nowosć widźało. Hdźež su před lětomaj stary hosćenc zwottorhali, njesteji nětko jenož wysoki wobswětleny hodowny štom, ale je takrjec tež hródźička, w kotrejž nětko krok po kroku boži narodk nastawa.
Swjateho Józefa, wowcki a dalše figury nastajeja nětko krok po kroku do božeho narodka na arealu bywšeho hosćenca w Pančicach-Kukowje. Foto: Jan Ješka
