Wojerecy (SN/MWj). Z wosebitej akciju reaguje město Wojerecy na tuchwilne njeměry w městach a gmejnach korona-pandemije dla. Dźensa popołdnju připrawichu na sydom městnach wulke plakaty, z kotrymiž wabja za zhromadnosć, za akceptancu rozdźělnych měnjenjow kaž tež za tolerancu a čłowjeskosć. Prěni plakat stajichu wyši měšćanosta Torsten Ruban-Zeh (SPD) a zastupjerjo měšćanskeho zawoda Zookultur, iniciatiwy za ciwilnu kuražu a regionalneho běrowa za demokratiju při Łužiskej kupjeli.