Hódny zazběh do jubilejneho lěta 750. róčnicy wobstaća Slepoho

Montag, 24. Januar 2022
Artikel bewerten
(0 Stimmen)
Wjelelětny župan Manfred Hermaš (nal.) a wjesny předstejićer Wolfgang Goldstein zhladowaštaj z přednoškom na 750lětne stawizny Slepoho. Foto:  Joachim Rjela Wjelelětny župan Manfred Hermaš (nal.) a wjesny předstejićer Wolfgang Goldstein zhladowaštaj z přednoškom na 750lětne stawizny Slepoho. Foto: Joachim Rjela

Dokładnje na dźeń prěnjeho pisomneho naspomnjenja Slepoho před 750 lětami, 21. januara, su wobydlerjo minjeny pjatk z naročnym zarjadowanjom w tamnišej cyrkwi jubilejne lěto zaha­jili. Wone změje po tuchwilnym planje z festiwalom dudakow wot 17. do 19. junija swój wjeršk.

Slepo (SN/at). Na wokomik pozastać, wróćo zhladować a doprědka hladać. Na to je Slepjanski wjesnjanosta Jörg Funda (CDU) minjeny pjatk wšěch tych přeprosył, kotřiž běchu do pod wuměnjenjemi korony połnje wobsadźeneho Božeho domu přichwatali. Wosebje witaše wjesnjanostow susodneju gmejnow Trjebina a Dźěwina, zapósłanca Sakskeho krajneho sejma dr. Stefana Meyera (CDU) kaž tež předsydu a jednaćelku Domowiny, Dawida Statnika a Judit Šołćinu.

750 lět měješe Jörg Funda za „njepředstajomnu dołhu dobu“ połsta genera­cijow, kotrež běchu tu žiwe. Manfred Hermaš ze serbskimi stawiznami wsy a Wolfgang Goldstein z jeje wuwićom po towaršnostnym přewróće staj hosćom to zbližiłoj, na čož njemóža jeno Slepjanki a Slepjenjo, ale wobydlerki a wobydlerjo dźensnišeje gmejny Slepo z wjesnymaj dźělomaj Rowno a Mułkecy hordźi być.

Veröffentlicht in Lokalka
Bitte anmelden, um einen Kommentar zu posten

Anzeige