Nimo dalšich insektow su předewšěm tež pčołki za přirodu nimoměry wažne. Často sej małe stworjenčka prawje ­wažić njewěmy. Tohodla so w lětnjej ­seriji na lokalnej stronje lětsa pilnym ­pčołkam a pčołarjam wěnujemy. (5)

Stawizny pčołarstwa tworja krutu jednotu ze stawiznami čłowjestwa docyła. Hižo znajmjeńša 7000 lět ludźo pčołki wóska a mjedu dla plahuja. Bolostne pak je, zo w poslednim času po cyłym swěće pčołki wotemrěja. To ma hoberske wuskutki na cyły wobswět a čłowjestwo. Přičiny toho su mnohostronske. Su to monokultury, pesticidy, změna klimy a zničenje žiwjenskeho ruma překasancow. Lětsa je tomu štyri lěta, zo bu 20. meja za swětowy dźeń pčołkow postajena.