Biskopicy (BZ/SN). Syć za dźěćace a młodźinske dźěło KiJu w Biskopicach chce myto za młodźinski angažement w Budyskim wokrjesu tež lětsa spožčić. Z tym připóznawa a hódnoći zarjadnišćo zjawnje dźěło młodostnych. Wuznamjenje­nje po­kazuje na mnohotnosć, energiju a kreatiwitu młodych w jich čestnohamtskim skutkowanju a słužbje za towaršnosć. To wuwabi motiwaciju a móže tamnym być přikład so gratu přimać.

Myto za młodźinski angažement Budyska wokrjesna lutowarnja a Wucho­dosakska lutowarnja ze sydłom w Drježdźanach spěchujetej.