Nic jenož na wsach, ale tež w městach maja mnozy domjace zwěrjo. Něchtóžkuli nimo toho drobny skót plahuje. Wšitcy so wo strowotu swojich dwu- abo štyrinohatych lubuškow prócuja. Tomu přinošować chce naša serija z pokiwami z weterinarneje mediciny. (1)

Štóž ma doma psa abo kóčku, ma často hižo wěstu ideju, ma-li štyrinohaty lubušk zaso raz nabubnjeny brjušk, jeli wjele mlaska, bluwa abo ma samo židlawu. Nimo bakterijow su zawinowarjo wonych symptomow husto wački.