Wochožanski park błudźenkow hotuje so na 20. róčnicu wobstaća

Wochozy (AK/SN). Łužiski park błudźenkow we Wochozach chce přichodnje swójby ze dožiwjenskej šćežku zwjeselić. Hłownej postawje stej holanska sonina Erika a błudźenk Skandy. „Wonej přeprošujetej na wosom stacijach k wotkrywanju a sobuskutkowanju. Dźe wo hry, ­hódančka a pozadkowe informacije. Chcemy po tutym puću docpěć, zo je park swójbam hišće atraktiwniši a na informacijach hišće bohatši“, podšmórny jednaćelka Anita Schwitalla wčera składnostnje wotewrjenja, mjeztym 20. sezony 2023. Wjeršk zarjadowanjow budźe jubilejny swjedźeń 1. meje.