Štóž bě zašły čas w nutřkownym Budyšinje po puću, tomu je zawěsće wulka ličba prózdnych wobchodow napadnyła. Tole změnić budźe jedyn z nadawkow noweje měšćanskeje managerki.

Budyšin (CS/SN). Z druhim pospytom je nětko jasne, zo přewozmje fotografka a rjemjeslniska mišterka Annet Scholz-Michalowski wot 1. apryla nadawki nutřkoměšćanskeje managerki Budyšina. Kaž z wupisanja wuchadźa, so městno hač do lěta 2027 z dohromady 400 000 eurami spěchuje, při čimž ma sprjewine město jeničce dźesać procentow cyłkownych kóštow same zapłaćić.