Dźakowano solidnym financam móža w Trjebinskej gmejnje inwestować
Trjebin (AK/SN). Trjebinska gmejna planuje lětsa inwesticije we wobjimje 629 000 eurow. Tole podšmórny komorniča Dana Piehl na zašłym posedźenju gmejnskeje rady, jako wona naćisk hospodarskeho plana 2023 předstaji. Najwažniše předewzaća w tymle lěće su gratownju wohnjoweje wobory w Trjebinje powjetšić, šěrokopasmowy internet wutwarić, nowu halu za wšelake jězdźidła gmejnskeho twarskeho zawoda twarić a nowe jězdźidło za hladanske dźěła kupić. Dale chcedźa móst w Rulec młynje za 70 000 eurow saněrować. Tón smědźa tuchwilu jenož pěškojo wužiwać. Tohodla je saněrowanje nuznje trěbne.
