W Chrósćicach twarski projekt přepodali a so wobydlerjam dźakowali
Chrósćicy (SN/MWj). Po něhdźe dźesać měsacach twarskeho časa su wčera w Chrósćicach přetwar Cyrkwinskeje hory a naměsta před bywšim gmejnskim zarjadnistwom oficialnje zakónčili. K tomu běchu bjezposrědnje potrjechenych wobydlerjow na piwo a praženu kołbasku přeprosyli. Wjesnjanosta Marko Kliman (CDU) a planowar Peter Linke so wobydlerjam za jich sćerpnosć dźakowaštaj, přetož z twarnišćom zwjazane poćeženja dyrbjachu woni tójšto dlěje znjesć, hač zwoprědka planowane.