Młodźinski zwjazk swjeći lětsa swoje 30lětne wobstaće

Kulow (MaK/SN). K 30. róčnicy załoženja Kulowskeho młodźinskeho zwjazka „United Clubs for Kulow “ je sej towarstwo njedawno něšto cyle wosebite wumysliło. W Kulowskej lěsnej kupjeli přewjedźechu prěni lětni swjedźeń młodźinskich klubow. Hižo spočatk decembra su mnohe młodźinske kluby z Łužicy na swój swjedźeń přeprosyli. Kónc meje bě ličba wobdźělnikow doskónčnje jasna a wjeselo na tute młodźinske zarjadowanje hoberske.