Na spočatku dalšich sydom lět dźěławosće jako direktor Załožby za serbski lud je Jan Budar na prašenja našeho wječornika wotmołwił – a so tež wjacorych łoskoćiwych temow dótknył.

Budyšin (SN/mb). „Nastupajo wobsahowe rozsudy załožboweje rady zwěrju sej rjec, zo smy kulturnje awtonomni“, praji Jan Budar a wobkrući to z faktom: „Zastupjerjo Serbow su nastupajo wobsahowe prašenja akceptowani“, tohodla jim tak mjenowani pjenjezydawarjo do kału njełaža, ale so jeničce wo dodźerženje prawniskich předpisow za wobhospodarjenje dawkowych pjenjez staraja.