Budyšin (SN/MiP). Čehodla dwurěčnosć w busach po Budyskim wokrjesu – nimo Wojerec – zwoprawdźena njeje? Na tute prašenje našeho wječornika (SN su hižo 19. smažnika, „Difuzne zamołwitosće“ wo tym rozprawjeli) je nětko Maria-Theresia Tannigel, zamołwita za ressort zjawny wobchad w Budyskim krajnoradnym zarjedźe, wotmołwiła: „Waše naprašowanje běše nam nastork, zo so pola wobchadnych zwjazkow kaž tež wozydłownistwow za stawom zawjedźenja dwurěčnosće w zjawnych wobchadnych srědkach wobhonichmy.“