Fachowcy sakskeho wjelčeho managementa slědy na pastwje zawěsćili
Njebjelčicy (SN/BŠe). W padźe torhnjenych wowcow pola Njebjelčic wuchadźeja fachowcy wjelčeho managementa z toho, zo je wjelk to zawinował. Pjatk popołdnju je sakski zarjad za geologiju, ratarstwo a wobswět wotpowědnu informaciju po naprašowanju SN wozjewiło. Z tym je nětko jasne, zo je rubježne zwěrjo stadło wowcow wowčerja Gerata Šmita nadpadnyło. Kaž nowinska rěčnica zarjada Karin Bernhardt zdźěli, je minjeny štwórtk rano informacija na Kamjenskim policajskim rewěrje dóšła, zo je stadło wowcow z pastwy ćeknyło.
