Wjesny klub Lutobč-Měrkow w nowych rumnosćach dźěło zahajił

Lutobč (SN/MWj). Wulki zawod za ratarsku techniku Femtech drje je to prěnje, štož čłowjekej w zwisku z Lutobčom do mysli přińdźe. Hewak je lědma přičiny sej do małeje wsy pola Radworja dojěć. To móhło so w přichodźe změnić. Přetož wot septembra ma Wjesny klub Lutobč-Měrkow na terenje předewzaća Femtech nowe rumnosće, kotrež chcedźa čłonojo nětko najwšelakorišo wužiwać.