Njeswačidło (SN/MWj). Wot meje su sobudźěłaćerjo spěchowanskeho towarstwa Njeswačanskeje ptačoškitneje stacije při Holešowskim haće populaciju spěwatych ptačkow přeslědźili. Za to kołowokoło hata 16 sakow nastajichu, je hodźinsce kontrolowachu a zapopadnjene ptački z nich wzachu. Při nich zwěsćichu starobu a splah. Po tym zo ptački wopjeršćenichu, je zaso do swobody pušćichu.