Małych pacientow překwapiłoj

Donnerstag, 07. Dezember 2023
Artikel bewerten
(0 Stimmen)
Z powjazom je Sylvio Bolz jako swj. Mikławš wčera z třěchi Budyskeje chorownje krosnował a potom hromadźe z jandźelom w dźěćacej klinice małych pacientow z darikami překwapił.  Foto: Carmen Schumann Z powjazom je Sylvio Bolz jako swj. Mikławš wčera z třěchi Budyskeje chorownje krosnował a potom hromadźe z jandźelom w dźěćacej klinice małych pacientow z darikami překwapił. Foto: Carmen Schumann

Budyšin (CS/SN). Wosebitu překwapjenku wobradźichu čłonojo Budyskeje powołanskeje wohnjoweje wobory na wčerawšim dnju swj. Mikławša dźěćom, ­kotrež dyrbja w adwenće w chorowni přebywać. Čłonaj skupiny za wuchowanje z wysokosće Sylvio Bolz jako Mikławš a Hendrik Schütze jako jandźel krosnowaštaj z powjazom z třěchi kliniki.

Při sebi měještaj ćežkej měchaj. W jednym běchu dary za cyłu dźěćacu staciju, mjenujcy Ochranowsku hwězdu, pjeć CD-playerow z cejdejkami a dwójce twarske klocki. W tamnym měše běchu dariki za kóžde jednotliwe dźěćo. Jako prěni smědźeše sydomlětny Maximilian swój dar přijimać. Wón njetrjeba we łožu wostać a móžeše cyłu akciju z balkona dźěćaceje stacije wobkedźbować. To samsne činjachu někotři sobudźěłaćerjo stacije. Runje jako dariki přepodachu, dyrbjachu ­někotři z wohnjowych wobornikow, ­kotřiž běchu Mikławša a jandźela pře­wodźeli, spěšnje wotjěć, přetož jich wołachu ke chutnemu zasadźenju. Dary přewostajili su dwě wulkej Budyskej kupnicy kaž tež firmje Plastic Konzept z Nowo­sólca a Ochranowske hwězdy zhotowjacy zawod.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND