Młody muž w Delnim Wujězdźe přez „kulowu bombu“ žiwjenje přisadźił

Budyšin (SN/mb/MG/bn). Tež w našich kónčinach su ludźo na zwučene wašnje wjesele w kruhu swójbnych a přećelow nowe lěto witali. Na wšěch 100 młodostnych zetka so silwester we Wotrowje. Tam je so minjene lěta wěsta tradicija zhromadneho powitanja noweho lěta etablěrowała. Z wjeselom hač do ranja hejsować, sej z přećelemi do noweho lěta připić a sej rytmy hudźby jako kompas do noweho lubić dać – to je tule silwester z wašnjom.

Na dwójce wupředatej žurli Serbskeho ludoweho ansambla (SLA) předstajichu wšitke sparty domu a hóstnaj spěwnaj solistaj předwčerawšim „Silwesterskej a nowolětnej koncertaj“. Program wopřijimaše mjez druhim wurězki z najznaćišich operetow a musicalow na přikład Straussec dynastije komponistow, Franza Lehára a Jacquesa Offenbacha kaž tež twórbje hornista SLA Lutza Lehmanna. Hudźnby nawod wukonješe Georgios Balatsinos, moderatorka bě Kristina Nerád.