Serbsko-němski memory a dalše předewzaća za lěpšu prezentaciju

Mužakow (AK/SN/mb). Městnosće swětoweho kulturneho herbstwa UNESCO we Łužicy maja w přichodźe bóle hromadźe dźěłać a so tež zhromadnje zwičnić. To wuzběhny jednaćel Marketingoweje towaršnosće Hornja Łužica-Delnja Šleska (MGO) Olaf Franke wčera w Mužakowje. Wizija 2030 je cyłotny koncept, při tym wusměrjeja wšo na wodźacy motiw „Łužica. Žiwa krajina w změnje“. Zaměr je zhromadne zwičnjenje městnosćow UNESCO Błóta, Wjercha Pückleroweho parka Mužakow/Łęknica, geoparka Mužakowski zahork, biosferoweho rezerwata hornjołužiska hola a haty a imaterielneho kulturneho herbstwa Serbow.