Běła Woda (SN/MiR). Siegfried Kühn z Hrubjelčic nawjeduje wólbnu komisiju za wólby 2. Serbskeho sejma. „Myslu sej, zo su naležnosće Serbskeho sejma jara wažne. Štož dźensa trjebamy je demokratija, kaž tež začuće za to, zo je trjeba zamołwitosć přewzać,“ wón na naprašowanje SN rjekny a doda: „wěm, zo je to dosć naročny nadawk tute wólby nawjedować, wosebje pak wólbny kónc tydźenja. Ja pak jón rady přewzam, zo bych začuće za to dóstał, kak fundowane naležnosće sejmika mjez Serbami su. Mam nadźiju, zo změja wólby wjele rezonancy mjez Serbami.“ Jeho zastupjerka je Marlis Pjacec z Dobrošic. Do wólbneho nawodnistwa słušeja dale Domenico Gruhn z Chrósćic, Bettina Kralowa ze Serbskich Pazlic kaž tež Anne Lindner a Norbert Šefrich z Njebjelčic.