×

Nachricht

Failed loading XML...

Slěbro za serbskich bičwolejbulistow

Montag, 13. Mai 2024
Artikel bewerten
(0 Stimmen)
W regionalnym bičwolejbulowym finalu wubědźichu sej holcy a hólcy 10. a 11. lětnika Serbskeho gymnazija Budyšin při Olbersdorfskim jězoru pola Žitawy slěbro. Stejo wotlěwa: Maika Dźisławkec, kapitan Karl Krječmar, Emma Šustrec, Benedikt Šołta, Evje Hentsch; klečo wotlěwa: Florian Elsner, Xenia Koberec a Damian Jurk zhromadnje z trenarjom Měrkom Korjeńkom.  Foto: Měrko Korjeńk W regionalnym bičwolejbulowym finalu wubědźichu sej holcy a hólcy 10. a 11. lětnika Serbskeho gymnazija Budyšin při Olbersdorfskim jězoru pola Žitawy slěbro. Stejo wotlěwa: Maika Dźisławkec, kapitan Karl Krječmar, Emma Šustrec, Benedikt Šołta, Evje Hentsch; klečo wotlěwa: Florian Elsner, Xenia Koberec a Damian Jurk zhromadnje z trenarjom Měrkom Korjeńkom. Foto: Měrko Korjeńk

Najstarša šulerska starobna skupina bičwolejbula je při Olbersdorfskim jězoru pola Žitawy wuchodosakske finale přewjedła. Šulerki a šulerjo 10. a 11. lětnika Serbskeho gymnazija Budyšin (SGB) wubědźichu sej při wurisanju „Młodźina trenuje za olympiju“ mjez štyrjomi gymnazijemi slěbro.

Při słónčnym wjedrje, ale chłódnych temperaturach wotmě so minjeny tydźeń kónčne regionalne koło starobneje skupiny II w bičwolejbulu. K Olbersdorfskemu jězorej pola Žitawy dojědźechu sej zastupjerjo štyrjoch gymnazijow, zo bychu w pěsku swoje kmanosće dopokazali a kwalifikanta za krajne finale zwěsćili. Dotal docpě šěsć mustwow SGB kónčne sakske koło a wróći so z Drježdźan z jednej slěbornej a jednej bronzowej medalju.

Hrajerki a hrajerjo wokoło kapitana Karla Krječmarja so w jednotliwych treningowych jednotkach na tutón wjeršk derje přihotowachu, ale na kóncu rozsudźichu móličkaj dypkaj wo złoto a slěbro k njelěpšinje serbskich gymnaziastow.

Veröffentlicht in Sport
Bitte anmelden, um einen Kommentar zu posten

Neuheiten LND