Złoto za Serbski gymnazij Budyšin

Dienstag, 28. Mai 2024
Artikel bewerten
(0 Stimmen)
Mustwo Serbskeho gymnazija Budyšin při Olbersdorfskim jězorje. Zady wotlěwa su to Matej Nuk, Matej Kober, Milan Jurk a Linus Hrjehor. A prědku wotlěwa: Annelie Kummerec, Klara Kralec a Marta Handrikec. Foto: Gabriela Jendrewscyna Mustwo Serbskeho gymnazija Budyšin při Olbersdorfskim jězorje. Zady wotlěwa su to Matej Nuk, Matej Kober, Milan Jurk a Linus Hrjehor. A prědku wotlěwa: Annelie Kummerec, Klara Kralec a Marta Handrikec. Foto: Gabriela Jendrewscyna

Na wurisanju „Młodźina trenuje za olympiju“ běchu regionalne finale w bičwolejbulu za šulerjow a šulerki sedmeho do dźewjateho lětnika při Obersdorfskim jězoru pola Žitawy přewjedli. Mustwo Serbskeho gymnazija Budyšin (SGB) wudoby sej prěnje městno. Z tym je so cyłk SGB za sakske finale w Drježdźanach 17. junija 2024 kwalifikował.

Nimo zastupnistwa Serbskeho gymnazija Budyšin běštej so tež cyłkaj Joliota Curiejoweho gymnazija Zhorjelc a Christiana Weisoweho gymnazija ze Žitawy na wurisanju wobdźěliłoj. Słónčne wjedro a lěćne temperatury skićachu dobre wuměnjenja za wubědźowanje. Jeničce sylny wětr sčasami bule „storkaše“. Z tym pak mějachu wšitke mustwa wojować.

Veröffentlicht in Sport
Bitte anmelden, um einen Kommentar zu posten

Neuheiten LND