Na dwórskim swjedźenju w Rogowje hač do pózdnjeho popołdnja swjećili

Rogow (JoS/SN). Liane Dörry, mějićelka hosćenca „Mały dwór“ w Rogowje, njeběše přewjele slubiła: „Wulět na kraj budźe prawy wuspěch!“ Hižo před lětomaj běše tomu tak. Tež njedźelu přińdźechu wopytowarjo zaso w syłach na swjedźenišćo, wšako su dwórske swjedźenje w Rogowje hižo přez lěta wšitkim w nanajlěpšim pomjatku.. Tež Liana Dörry je wopytowarjam derje znata: Ze swojim předawanskim wozom je wona prawidłownje na tydźenskich wikach w Choćebuzu, Grodku, Běłej Wodźe a we Wojerecach po puću.