W lěću njelubja so nam jenož dołhe dny, ale tež stupace temperatury. Tuž sej rady a husto słódny lód popřejemy. Kotre lodowe družiny pak su ludźom najlubše? Klara Bjedrichec je so za tym w Budyšinje pola lodarnjow naprašowała.

Budyšin (kb/SN). Na Budyskej Bohatej dróze je tuchwilu wjacorych poskićerjow lodu. Na jednym boku su to lodarnje a kofejownje, na druhim pak tež pjekarnje na chłódnu słódkosć přeprošuja.