Wojerowska Łužiska hala je 40 lět stara a steji pod pomnikoškitom. Wona ma so nastupajo zastaranje z energiju dospołnje­ wobnowić. Zahajenje twarskich dźěłow so dliji, dokelž su nadawk za planowanje znowa wupisać dyrbjeli.

Wojerecy (KD/SN). Něhdźe 20 milionow eurow, w prěnim rjedźe spěchowanske srědki ze zakonja wo inwesticijach w brunicowym regionje, je za saněrowanje Wojerowskeje Łužiskeje hale předwidźanych. Za to je wuske zhromadne dźěło mjez tamnišimi přistajenymi, předewzaćom Měšćanske hospodarske zawody (SWH), planowanskim běrowom a wšelakorymi rjemjeslniskimi zawodami trěbne.