Schrift vergrößern
Na mejemjetanju w Pančicach-Kukowje je sobotu w kopaće połnym stanje wjace hač 60 porow małych a wjetšich dźěći kaž tež młodostnych wokoło meje rejwało. Foto: Maćij Bulank
Pančicy-Kukow (SN/MWj). Tradicionelnje je mejemjetanje w Pančicach-Kukowje prěni kónc tydźenja róžownika jedne z prěnich w dwurěčnej Hornjej Łužicy. Hačrunjež njebě to nihdźe naspomnjene, zhladowachu při tym samo na mały jubilej. Přetož mejemjetanje w dźensnišej formje přewjeduja w Kukowje mjeztym 35 lět. Štož je tam młodźinski klub Pančicy-Kukow minjene dny na nohi stajił, hižo nětko swojeho runjeća pyta.
Wčera su w Koslowje meju mjetali. Po tym zo běchu sej hosćo najsłódniše tykancy wjesnych žonow při šalce kofeja słodźeć dali, předstaji dźewjeć dźěći mały program. Zanjesechu spěwy, serbske basnje a zarejowachu sej tež z publikumom. Prěni raz napřemo sebi běžachu štyrjo hólcy w starobje hač do dźewjeć lět wo titul mejskeho krala. Najspěšniši bě Benedikt Včelich. Wón wuzwoli sej za mejsku kralownu Madlenu Včelichec. Foto: Franciska Včelichowa
