Wo poskitkach w prózdninach rozprawja Marta Měrćinkec

Budyšin (SN/MaM). Šěsć tydźenjow lěćnych prózdnin maja šulerjo a šulerki tež w Sakskej, štož je dołhi čas a wuběrna móžnosć, sej w formje prózdninskeho dźěła tróšku pjenjez k tomu zasłužić a někotre dny dźěłowe žiwjenje dožiwić. Wot tajkeho prózdninskeho dźěła pak njeprofituja jenož šulerjo. Tež za zawody, wosebje we wobłuku rjemjeslnistwa, je to jónkrótna šansa, sej dźěłaćerjow zdobyć a šulerjow za swoje powołanje zahorić, zo bychu je po šuli nawuknyli. Móžnosće za prózdninske dźěło su mnohostronske, wot a – kaž awtowy mechanikar hač do z – kaž zamkar, nimale w kóždym powołanju namakaš poskitki prózdninskeho dźěła.