Sudniskeho rozsuda dla ma Malešanski wjesnjanosta zaso nadźiju

Delnja Hórka (UM/SN). Před šěsć a poł lětami je Krajny zarjad rěčnych zawěrow Sakskeje (LTV) móst, po kotrymž sy z Malešanskeho wjesneho dźěla Delnja Hórka k znatemu wulkemu dubej přišoł, wottorhał. To bě 8. nowembra 2018. Mnozy tutón rozsud tehdy wótrje kritizowachu, dokelž su jón w ćichim wobzamknyli a tež wulce připowědźili njejsu. Mjeztym drje su so rozhorjene hłosy zaso změrowali. Přiwšěm sej wulki dźěl wobydlerjow dale přeje, zo dub jako symbol Delnjohórčanskich hatow bórze zaso po krótkim pućo docpěja.