Wojerecy (AK/SN). Muzeje přinošuja k zesylnjenju hospodarstwa a k tworjenju regionalnych hódnotow. Tole praji nawodnica Wojerowskeho kompjuteroweho muzeja „Konrad Zuse“ Peg Koedel a skedźbnja na aktualnu studiju. Zestajił je ju Institut za muzejowe slědźenje załožby Pruske kulturne wobsydstwo. Studija přepytuje 7 000 muzejow po wšej Němskej. „Wone tworjachu 9,4 miliardy eurow hódnoty w lěće 2023“ rozłoži nawodnica Wojerowskeho muzeja. Zjawne inwesticije we wobjimje 5,6 miliardow eurow wuskutkowachu, zo kóždy inwestowany euro na kóncu 1,70 eurow wunjese. „Muzeje njejsu potajkim jenož kulturnje wažne, ale so tež hospodarsce wuskutkuja. Wone zesylnjeja turistiske dochody a kupnu móc.“