Srědki LEAG w zwisku z přesydlenjom Miłoraza zaručeja solidny etat

Trjebin (AK/SN). Prawniski dohlad Zhorjelskeho wokrjesa je dwójny etat gmejny Trjebin za lěće 2025/2026 schwalił a wobkrućił. To zdźěli komornica Dana Piehl srjedu radźićelam na posedźenju gmejnskeje rady. W swojej połlětnej rozprawje wo lětušim etaće wona podšmórny: „Gmejna Trjebin wostanje lětsa bjez dołha. Kredity brać njetrjebamy. Smy ­potajkim financielnje njewotwisni.“