Wobydlerska rozmołwa z krajnym radu w dobrej atmosferje

Róžant (JK/SN). Městna w Róžeńčanskej gmejnskej sydarni wčera wječor njedosahachu, telko zajimcow bě přeprošenje Budyskeho krajneho rady Uda Witschasa (CDU) sćěhowało. Nimo mnohich zajimowanych wobydlerjow wokolnych gmejnow běchu tež wšitcy wjesnjanosća gmejnow zarjadniskeho zwjazka Při Klóšterskej wodźe a předsyda zwjazka Stefan ­Anders na zarjadowanje přichwatali. Krajneho radu přewodźeše jeho přirjadowana dr. Romy Reinisch. Dwuhodźinsku rozmołwu je Tobias Schilling moderěrował.