Chorownja zhladuje na 25lětne wobstaće na nowym městnje
Kamjenc (SN). Ze swjedźenjom za wšitkich sobudźěłaćerjow su minjeny tydźeń w Kamjenskej chorowni na swoje 25lětne wobstaće na kromje Lessingoweho města spominali. Dźeń do toho sadźichu wyši měšćanosta Roland Dantz, šefowi lěkarjo a nawodnistwo domu před hłownym zachodom zhromadnje štomik: japansku wišninu.
