Połčnica (HJ/SN). Zapósłanča Sakskeho krajneho sejma Elaine Jenčec (CDU) je wjesnjanostki a wjesnjanostow ze swojeho wólbneho wokrjesa minjene dny na komunalne rozmołwne koło do Połčnicy přeprosyła. W srjedźišću steješe schwaleny dwójny etat 2025/2026 Swobodneho stata Sakskeje a jeho wuskutki na komunalnu runinu. Jako hósć wobdźěli so předsyda frakcije CDU w Sakskim krajnym sejmje Christian Hartmann. Diskutowali su najnuzniše problemy městow a gmejnow.