Z posedźenja Radworskeje gmejnskeje rady
Radwor (SN/MkWj). W lěće 2028 budźe Radworski hród prawdźepodobnje dotwarjeny. Tole je wobsedźer Florian Heilbronner předwčerawšim, srjedu, na posedźenju gmejnskeje rady wobkrućił. W swojim krótkim wobrazowym přednošku rysowaše wobsedźer hrodu zdobom wšelake twarske wužadanja, ale tež nowe dopóznaća wo stawiznach barokneho twara. Tak naspomni z Berlina pochadźacy Heilbronner dobre kontakty k potomnikam swobodneho knjeza von Welck, kiž bu 1945 wuswojeny. Jeho swójbni bydla dźensa na zapadźe, ale tež wokoło Drježdźan.
