Koblicy (AK/SN). Při južnym pobrjohu Hórnikečanskeho jězora dopomina nětko wustajeńca na jeho nastaće a stawizny. Cyłkownje 15 wulkich plakatow je přirada Łazowskeje gmejny za wuwiće Hórnikečanskeho jězora po dorěčenju z LMBV při twarskim płoće přičiniła. „Nadźijamy so, zo sej wobydlerjo, wopytowarjo, pućowacy a kolesowarjo jězor znowa wotkryja a jón dožiwja“, čłonaj mjenowaneje přirady Annika Wetzko a Tilo Babick podšmórnjetaj. „Tale wustajeńca ma ludźi přeprosyć, sej zaso raz k jězorej wulećeć.“